"Атлетико" ўз таркибига аргентиналик дарвозабонни қўшиб олди

"Атлетико" иккинчи рақамли дарвозабон масаласини ҳал қилди. Жамоа бунинг учун "Аталанта"дан Хуан Муссони Ўз таркибига қўшиб олди. 

"Матрасчилар" аргентиналик посбонни сотиб олиш шарти билан ижарага олди. Агарда клуб уни тўлиқ сотиб олишни истаса, келаси ёзда бергамоликларга 7 миллион евро тўлаши керак бўлади. 

Маълумот учун, Муссо 2021 йили 21 миллион евро эвазига "Аталанта" таркибига келиб қўшилганди. Орадан 3 йил ўтиб, у клубни тарк этмоқда.