"Атлетико" президенти: Гризманн жамоага қайтишини хоҳлайман, аммо...

"Атлетико" Мадрид клуби президенти Энрике Сересо жамоанинг "Барселона"даги собиқ ҳужумчиси Антуан Гризманн яна “матрасчилар” сафига қайтиб келишига умид қилмоқда.

30 ёшли франциялик футболчи 2014-2015 йилларда “Атлетико” шарафини ҳимоя қилган.

“Гризманн – ажойиб футболчи. У жамоамизга қайтиб келади деган умиддаман, аммо менимча "Барселона" уни қўйиб юборишни истамайди. Ҳар қандай жамоа ўз таркибида шундай юқори даражали ўйинчиси борлигидан хурсанд бўлади. Биз Антуан билан дўст бўлиб қоламиз”, - дед Сересо.

Бундан аввалроқ Гризманн "Атлетико" ярим ҳимоячиси Сауль Ньигес эвазига Мадридга қайтиши мумкинлиги ҳақида хабарлар тарқалган эди. Ҳозирча ушбу маълумот расмий тасдиғини топгани йўқ.