"Атлетико" президенти Энрике Сересо Испания Суперкубоги Саудия Арабистонида ўтказилиши борасида фикр билдирди.

"Агарда, Испания футбол федерациясининг қироллиги учрашув Саудия Арабистонида ўтказилишига қарор қилган бўлса, унда биз у ерда ўйнаймиз. Бизда бу борада муаммо йўқ. Ўйлашимча, бу мамлакатда барча қулайликлар бўлади. Биз ўзимизни яхши ҳис қилишимиз учун барча шароитлар яратилади.

Шубҳасиз, у ерга бориш осон эмас. Айниқса янги йил кунларида (Турнир 8-12 январь кунлари бўлиб ўтади). Ўйлайманки, Испания футболи бутун дунё бўйлаб айланиши керак ва ҳозирда бу айни пайти," - деди Сересо.