Португалия юлдузи Ўзбекистон билан бўладиган тўқнашув ҳақида қаттиқ гапирди
2026 йилги жаҳонт чемпионатининг футбол жамоатчилиги диққат марказида турган учрашувларидан бири Португалия ва Ўзбекистон миллий терма жамоалари ўртасида бўлади. Криштиану Роналду қўлга киритмаган ягона соврин - жаҳон чемпионлигига асосий фворитлардан ҳисрбланган португалияликларнинг биринчи турда Конго Демократик Республикаси футболчиларини енга олмагани катта сенсация сиватида қабул қилинди. Кутилмаганда Африка жамоасидан "тарсаки" еган европаликларнинг ҳақиқий ҳолати қандай эканини "К" гуруҳининг иккинчи тури кўрсатиб бериши керак.
Жаҳон миқёсидаги юлдузлар билан тўлиб-тошган Португалия терма жамоаси мундиал дебютанти Ўзбекистон билан тўқнашувда қандай натижага эришиши кўп масалага ойдинлик киритиб беради.
Португалия миллий терма жамоасига "Манчестер Юнайтед"дан таклиф этилган ҳимоячи Диогу Далот 2026 йилги жаҳон чемпионатидаги "K" гуруҳи 2-турида Ўзбекистон терма жамоасига қарши ўйин олдидан ўз фикрлари билан ўртоқлашди.
- Энг муҳими – ғалаба. У йирик ҳисобдами ёки йўқми, барибир ғалаба ғалабадир. Кейинги босқичга чиқиш учун қўлга киритадиган ҳар бир очко катта аҳамиятга эга.
Биз жуда ғайратли, иштиёқи баланд ва руҳланиб турган жамоага қарши майдонга тушамиз. Осон ўйин бўлишини кутмаяпмиз.
Натижа эса ўз қўлимизда – тўғри қарор қабул қила оламизми, ўйинни юта оламизми, шу асосий вазифамиз бўлиб қолади, — дея Далотнинг сўзларини Португалия футбол федерациясининг расмий сайти келтиради.
Гуруҳ босқичи 11 июндан 27 июнгача давом этади. Терма жамоалар бир-бирига қарши бир мартадан ўйнайди (ҳар бири учтадан ўйин ўтказади). Плей-офф босқичига ҳар бир гуруҳдан иккитадан энг яхши жамоа, шунингдек, учинчи ўринни эгаллаган жамоалар орасидан энг яхши саккизта терма жамоа йўл олади.
Ўзбекистон ва Португалия терма жамоалари ўртасидаги учрашув АҚШнинг Хьюстон шаҳридаги стадионда бўлиб ўтади. Ўйин 23 июнь куни Тошкент вақти билан 22:00 да бошланади.
Голдан кейин Файзуллаевга мурожаат бўлди
Ана тезлик! Ҳусанов Мбаппедан анча ўзиб кетди!
Шомуродов бизга гол урган! Яна бир суперклуб Элдор учун курашга қўшилди
Эксперт: Ҳусанов ҳозир Роналдудан кучли!
Файзуллаев бир гол билан колумбиялик қизлар ёқимтойига айланди
Ўзбекистоннинг мағлубиятдан кейинги иши мексикаликларни ҳайратга солди
Фикрлар