Ана тезлик! Ҳусанов Мбаппедан анча ўзиб кетди!

ФИФА 2026 йилги жаҳон чемпионати гуруҳ босқичининг биринчи туридан кейинги статистикани эълон қилди. Унда энг юқори тезлик қайд этган футболчилар рўйхати ҳам алоҳида тақдим этилди.

“К” гуруҳида биринчи турда Колумбияга қарши ўтказилган учрашувда тўлиқ ўйнаган “Манчестер Сити” ҳимоячиси Абдуқодир Ҳусанов турнирнинг энг тезкор уч нафар футболчиси қаторига кирди.

Илк учрашувда 22 ёшли Ҳусанов қайд этган энг катта тезлик соатига 36,5 километрни ташкил қилди. Унинг “Манчестер Сити”даги жамоадоши Эрлинг Холанд ҳам Норвегия терма жамоаси сафида ҳудди шундай тезликка эришди. Бир жамоанинг бир хил кўрсаткич қайд этган икки футболчиси ФИФА рейтингида иккинчини поғонани бўлишиб турибди.

Бу икки “шаҳарликни” тезлик борасида фақат бир футболчи Австарлия терма жамоаси вакили Жордан Бос ортда қолдирди. Унинг тезлиги соатига 36,7 километрга тенг бўлди.

Шу билан бирга, Ўзбекистон вакили жаҳон футболидаги қатор машҳур юлдузларни ҳам ортда қолдирганини таъкидлаш лозим. Жумладан, у Жанубий Корея ҳужумчиси Сон Хён  Миндан (35,2 км/соат), шунингдек Франция терма жамоаси юлдузи Килиан Мбаппедан (35,1 км/соат) тезроқ ҳаракат қилди.

“ЖЧ–2026” биринчи туридаги энг тезкор футболчилар рейтинги қуйидагича кўриниш олди:

1. Жордан Бос (Австралия) — 36,7 км/соат
2. Эрлинг Холанд (Норвегия) — 36,5 км/соат
3. Абдуқодир Хусанов (Ўзбекистон) — 36,5 км/соат
4. Муҳаммад Туре (Австралия) — 35,8 км/соат
5. Райан Гравенберх (Нидерландия) — 35,6 км/соат
6. Алан Минда (Эквадор) — 35,5 км/соат
7. Сон Хён Мин (Жанубий Корея) — 35,2 км/соат
8. Жед Спенс (Англия) — 35,2 км/соат
9. Килиан Мбаппе (Франция) — 35,1 км/соат
10. Педру Нету (Португалия) — 34,8 км/соат

Ўзбекистон миллий терма жамоаси навбатдаги учрашувини 23 июнь куни Криштиану Роналду етакчилигидаги Португалия футболчиларига қарши ўтказади. Беллашув Тошкент вақти билан соат 22:00 да бошланади.

Голдан кейин Файзуллаевга мурожаат бўлди

Португалия юлдузи Ўзбекистон билан бўладиган тўқнашув ҳақида қаттиқ гапирди

Шомуродов бизга гол урган! Яна бир суперклуб Элдор учун курашга қўшилди

Эксперт: Ҳусанов ҳозир Роналдудан кучли!

Файзуллаев бир гол билан колумбиялик қизлар ёқимтойига айланди

Ўзбекистоннинг мағлубиятдан кейинги иши мексикаликларни ҳайратга солди

Ўзбекистон мана шу футболчилар сабаб ютқазди!