"Атлетико" раҳбарияти Гризманнинг жамоада қолишига ишонмаяпти

"Атлетико" Мадрид клуби раҳбарияти мавсумлар оралиғида ҳужумчи Антуан Гризманнинг жамоадан кетишини кутмоқда.

Cadena SER нашри тарқатган хабарга кўра “матрасчилар” раҳбарияти 28 ёшли француз футболчисининг жамоада қолишига ишонмаяпти. Улар Гризманнинг бу борадаги расмий талабномасини кутишмоқда.

Эслатиб ўтамиз, бундан аввалроқ Гризманн “Барселона”га ўтмоқчи эканлиги ва бунинг учун маошининг камайишига ҳам розилиги ҳақида хабарлар тарқалган эди.