"Атлетико" Родрининг "Реал"га ўтишига йўл қўймоқчи эмас!
Аввалроқ «Реал» клуби «Манчестер Сити» ярим ҳимоячиси Родрини сотиб олиш нияти борлиги ҳақида хабарлар тарқалган эди.
Манбанинг ёзишича, футболчига фақат мадридликлар эмас, балки «Атлетико» ҳам жиддий қизиқиш билдирмоқда. «Матрасчилар» ҳозирги трансфер ойнасиёқ Родрини жамоага қайтаришни режалаштираётгани айтилмоқда. Ярим ҳимоячининг амалдаги шартномаси 2027 йил ёзигача мўлжалланган.
Эслатиб ўтамиз, Родри «Манчестер Сити» сафига айнан «Атлетико»дан ўтган. Унгача эса мадридликлар футболчининг трансфер ҳуқуқларини «Вильярреал» клубидан сотиб олган эди.
Фикрлар