Аугустин Чирица: "Ҳаммасидан кўра йигитларни ишга бўлган иштиёқлари қувонтирмоқда"

“Андижон”нинг “Ворксла” (4:3) га қарши учрашувидан кейин "Андижон" жамоасининг жисмоний тайёргарлик бўйича мураббийи Аугустин Чирица клуб матбуот хизматига беллашув борасидаги таассуротлари билан ўртоқлашди

“Ўйинни 4:3 ҳисобида ютганимиздан мухлисларимиз биздан кўра кўпроқ хурсанд қилди, деб ўйлайман. Бир томондан 4 та гол ургани хурсанд қилса, ёмон тарафи 3 та гол ўтказиб қўйганимиз бўлди. Албатта, бу назорат ўйини. Натижадан нолиш ярамайди. Биз барча футболчиларга ўйнаш имкониятини бердик.

Кейинги беллашувдаги рақиб ҳам анча жиддий. “Борас Баня-Лука” – Босния ва Герцеговина чемпионатида 2-ўринни эгаллашни уддалаган клуб. Мени ҳаммасидан кўра йигитларимиздаги ишга бўлган иштиёқлари қувонтирмоқда.

Рақиб яхши жамоа ва украин чемпионати иштирокчиси эканлигига қарамасдан бизнинг жамоа чиройли ғалабани қўлга кирита олди.

Учрашувда зафар қучиш - бу ўртоқлик, назорат ё расмий бўладими, жуда ҳам ёқимлидир!  Ўз навбатида бундан қоладиган таассурот катта ютуқлар сари йўл очади” – дея фикр билдирди, Чирица.