Avstriya jahon chempionati boshlanmay turib mutlaq rekord o‘rnatdi

Jahon chempionati hali boshlanmasdanoq Avstriya terma jamoasi tarixiy natija qayd etdi – musobaqa o‘tkazilayotgan barcha yillar orasida mutlaq rekord o‘rnatildi.

Terma jamoa darvozaboni Florian Vigele turnir tarixidagi eng baland bo‘yli futbolchi sifatida qayd etildi. Uning bo‘yi 205 santimetr. Qiziqishi shundaki, Vigele start olish arafasida turgan chempionatdagi eng past bo‘yli futbolchidan deyarli yarim metrga baland. Panama terma jamoasi a’zosi Sezar Yanisning bo‘yi bor-yo‘gi 160 santimetrni tashkil etadi.

Plzen shahrining "Viktoriya" klubi darvozaboni shu tariqa avvalgi rekordchi – Niderlandiya terma jamoasi posboni Andris Noppertni ortda qoldirdi. Noppertning bo‘yi 203 santimetr edi. Yaqinlashib kelayotgan jahon chempionatida Avstriya terma jamoasi guruh bosqichida Argentina, Aljir va Iordaniya terma jamoalariga qarshi maydonga tushadi.