Аввал қайтишдан бош тортган, энди кўндирамиз! "Реал" ўз ўйинчиси қайтариш учун пухта режа тузди

Мадриднинг «Реал» клуби Италияда ёрқин ўйинлари билан эътибор қозонаётган ўз тарбияланувчиси Николас Пасни қайта олиб келишга тайёрланмоқда.

22 ёшли ярим ҳимоячи ҳозирда «Комо» сафида порламоқда. Яқинда у Чемпионлар лигасидаги «Манчестер Юнайтед»га қарши учрашувда икки гол уриб, яна бир голга ассистентлик қилди ва шу билан футбол жамоатчилигининг диққат марказига тушди. Журналист Рамон Альварес де Мон маълумотига кўра, «Қироллик клуби» раҳбарияти келаси йил ёзида футболчини 80 миллион евро эвазига қайта сотиб олиш бўйича ўзининг устувор ҳуқуқидан фойдаланишни режалаштирмоқда.

Эслатиб ўтамиз, ўтган мавсумлар орасидаги танаффусда Николас Пас ўзи «Реал»га қайтишдан бош тортган эди. У мунтазам ўйин амалиётига эга бўлиш ва ривожланишни «Комо»да давом эттиришни маъқул кўрган. А Серияси клуби ёш истеъдод учун «Реал»га 60 миллион евро тўлаб, футболчининг барча ҳуқуқларини қўлга киритган эди.