"Аякс" тўпурари Италияга келмоқда

"Аякс" ҳужумчиси Себастьен Аллер мавсумлар оралиғида А Серия гранди сафига кўчиб ўтиши мумкин. Бу ҳақда La Gazzetta dello Sport нашри хабар тарқатмоқда.

Юқоридаги манбага кўра, 27 ёшли Кот-д’Ивуар терма жамоаси аъзоси билан "Интер" жиддий қизиқиб қолган. “Нерадзуррилар” директори аллақачон Аллернинг вакиллари билан бу борада учрашув ўтказишга ҳам улгурган.

Аллернинг трансфери Италия чемпионига тахминан 35 миллион еврога тушиши мумкинлиги айтилмоқда. Футболчининг ўзи “Интер”га ўтишга розилик билдирган.

Аллер жорий мавсум “Аякс” сафида жами 34 та ўйинда майдонга тушди ва рақиблари дарвозасига 32 та гол урди.