"Айнтрахт" футболчиси "Реал"га қарши ўйинни ўтказиб юборади. У бошқа жамоага ўтмоқда

"Айнтрахт" футболчиси Филипп Костич УЕФА суперкубогида иштирок этмайди. У жамоасини ўзгартириш арафасида турибди. 

Маълум бўлишича, Филипп германияликларнинг кенгайтирилган таркибидан жой олмаган. У Туриннинг "Ювентус" клуби билан шартнома имзолагани айтилмоқда. 

Трансфер суммаси бонуслар билан бирга 18 миллион еврони ташкил этади. Тез орада расмий хабар эълон қилинади.   

Маълумот ўрнида, Костич Бундеслиганинг 31 ўйинида 4 та гол ва 9 та ассистни ўз ҳисобига ёздириб қўйган.