Ayol murabbiyni erkaklar jamoasi qanday qabul qildi?

“Ingolshtadt” jamoasi bosh murabbiyi Sabrina Vittman erkaklar professional jamoasida ayol murabbiy sifatida ishlashi haqida o‘z fikrlari bilan o‘rtoqlashdi. U jurnalistlar bilan o‘tkazilgan davra suhbatida bu tajriba qanday kechayotganini haqida gapirdi.

Vittmanning aytishicha, u jamoada o‘zini juda yaxshi qabul qilingan deb his qiladi. Uning ta’kidlashicha, ish boshlagandan beri ham futbolchilar, ham klub atrofidagi odamlar tomonidan doimo qo‘llab-quvvatlangan. U “men o‘zimni haqiqatan ham qabul qilingan deb bilaman va men har doim buni his qilganman” deb aytgan.

Murabbiyning fikricha, futbolda asosiy narsa insonning jinsi emas, balki uning ishga bo‘lgan munosabati va kasbiy mahoratidir. U jamoadagi muhit juda professional ekanini va barcha asosan futbol va natijalarga e’tibor qaratishini ta’kidladi.

Shuningdek, Vittman “Ingolshtadt” jamoasida ishlash unga katta tajriba berayotganini va jamoa bilan birgalikda yaxshi natijalarga erishishni maqsad qilayotganini bildirdi.