Азар "Атлетик"га қарши ўйинда майдонга туша оладими?

"Реал" ҳужумчиси Эден Азар Ла Лига 34-тури доирасида "Атлетик"га қарши ўйинда жамоасига ёрдам бера олмайди.

AS нашри маълумотига кўра, 29 ёшли футболчи "қаймоқранглилар"нинг сўнгги машғулотларини ўтказиб юборди. Мадридликлар бош мураббийи Зинедин Зидан хавбекка дам олиш имкониятини беришга қарор қилган.

Бундан ташқари, мадридликлар сафида Начо Фернандес ва Рафаэль Варан ҳам навбатдаги ўйинни жароҳат сабаб ўтказиб юборади.

Маълумот ўрнида, "Атлетик" - "Реал" учрашуви 5-июль кун соат 17:00 да бўлиб ўтади.