Азар: Пулишич келажакда дунёнинг энг зўр футболчиларидан бирига айланади

"Реал" Мадрид клуби ярим ҳимоячиси Эден Азар собиқ жамоаси ҳисобланган "Челси"нинг АҚШлик хавбеки Кристиан Пулишич борасида ўз фикрини билдириб ўтди.

“Пулишич келажакда дунёнинг энг зўр футболчиларидан бири бўлишига ишонаман. У юлдуз бўлиш имкониятига эга. У дунёнинг энг кучли клубларидан бирига келди”, - дейди бельгиялик футболчи.

Маълумот учун, “Челси” 20 ёшли Пулишични “Боруссия” Дортмунддан сотиб олди ва 2024 йилга қадар шартнома имзолади.