Azar "Real"da "Oltin to‘p"ni yuta oladimi?

Belgiya terma jamoasi bosh murabbiyi Roberto Martines yarim himoyachi Eden Azar “Real”da ko‘p narsaga erishishi mumkinligini aytdi.

“Eden “Real”da “Oltin to‘p”ni qo‘lga kiritishi mumkin. Futbolchi yangi jamoaga ko‘chib o‘tgach, u erga moslashishi juda ko‘p uchraydi. Bu mavsum PSJga qarshi o‘yinda biz futbolni yaxshi ko‘radigan va jamoadoshlari bilan yaxshi munosabatda bo‘lgan Edenni ko‘rdik. U jamoani muvaffaqiyat sari etaklay oladi”, - deydi Martines.

Azar “Real” safiga o‘tgan yilning yozida “Chelsi”dan ko‘chib o‘tgan edi. U joriy mavsum La Ligada 10 ta o‘yinda maydonga tushdi va 1 ta gol hamda 4 ta golli uzatmaga mualliflik qildi.