Азар “Реал”га бош оғриқ бўляпти

“Реал” бош мураббийи Карло Анчелотти бундан буён Эден Азарга ишонч билдирмаслигини таъкидлаганидан кейин клуб мутасаддилари бельгиялик юлдузга жамоа топишга ҳаракат қилмоқда.

Бироқ бу “Қироллик клуби”га ҳақиқий бош оғриқ бўляпти. Азарнинг катта маоши унга янги иш жойи топишга тўсқинлик қиляпти.

Қолаверса, унинг харажатларини кўтаришга қодир бўлган “Челси” ва “Ньюкасл” фикридан қайтиб, бельгиялик ҳужумкор футболчини трансферга қилишни рад этган.

Айрим маълумотларда Эден Азар мўмай даромад олаётган “Реал”ни тарк этишга шошилмаётгани ёзилган.

Испан футболига мослаша олмаган ўйинчи жорий мавсумда барча турнирларда  16 маротаба майдонга тушиб, бир жуфт голли пас узатди.

Фикрлар

Фикр қолдириш учун авторизациядан ўтинг!