Azardan endi foyda yo‘q!

“Real” bosh murabbiyi Karlo Anchelotti belgiyalik hujumkor futbolchi Eden Azar asosiy tarkib talablariga javob berolmayotganini aytdi. “Qirollik klubi”ning asosiy yulduziga aylanishi kutilgan futbolchi bugungi kelib, raqobatga dosh berolmayapti.

- Azar taktikaga qarab, chap qanot hujumchisi yoki hujumchi ortida o‘ynashi mumkin. Umumiy tomondan qaraganda, u maydonga oushishga tayyor. Biroq, ayni paytda u jarohatlar tufayli sport  formasini yo‘qotgan.

Shu sababli, hozir men undan ko‘ra boshqa futbolchilarga ishonch bildiryapman. Eden eng yaxshi formasiga qaytib, buni namoyish eta olsa, albatta boshlang‘ich tarkibdan joy oladi, - dedi Karlo Anchelotti.

Azar joriy mavsumda ettita uchrashuvda maydonga tushib, bitta golli pas oshirdi. Belgiyalik yarim himoyachi qishda Angliya chempionatiga o‘tib ketishi haqida ham xabarlar tarqatilmoqda.