Азарнинг "Реал"да қайси рақамда ўйнаши маълум бўлди. У сиз кутган рақам эмас

Мавсумлар оралиғида "Реал"га кўчиб ўтган вингер Эден Азар янги жамоасида қайси рақамда ўйнаши маълум бўлди.

Marca нашри тарқатган хабарга кўра баскетболнинг ашаддий мухлиси ҳисобланган Азар ўзига 23-рақамни танлаган. Боиси, Майкл Жордан ва Леброн Жеймс каби машҳур баскетболчилар айнан мана шу рақамда ўйнашган.

Айтиш керакки, “қироллик клуби”да 23-рақамда афсонавий Дэвид Бекхэм тўп сурган.

Эслатиб ўтамиз, бундан аввалроқ Азар “Реал”да 11 ёки 7-рақамни олиши мумкинлиги ҳақида хабарлар тарқалган эди.