Азиз Амонов легионерга айланиши, МТЖнинг йиғини ва чемпионатлик мақсади ҳақида гапирди (интервью)

Эроннинг "Истиқлол" клубига кўчиб ўтган Азизбек Амонов ЎФА матбуот хизматига интервью берди:

"Истиқлол" клуби билан музокаралар кетаётгани ҳақида эшитган эдим. Кейинчалик, бир қарорга келдик ва жараён муваффақиятли якунланди.

Мени бу ерда жуда ҳам илиқ кутиб олишди. Худо хоҳласа, ўз устимда ишлаб, фаолиятимда ўсишга эришмоқчиман. Жамоа тарихига кириб, чемпионликни қўлга киритишни истайман.

Дубайдаги йиғин яхши ўтди. Гарчи коронавирус туфайли ўртоқлик учрашувлари камроқ ташкил этилган бўлса-да, йиғинга чақирилган ҳар бир футболчи ўз спорт формасини яхши даражада ушлаб тура олди".