Азмун Осиёнинг энг яхши ёш футболчиси деб топилди

Россиянинг “Ростов” клуби ҳужумчиси Сардор Азмун outsideoftheboot.com портали талқини бўйича Осиёнинг 2016 йилдаги энг яхши ёш футболчиси деб топилди.

Таъкидлаш керакки, эронлик форвард ўтган мавсум жамоасининг Россия премьер-лигасида 2-ўринни эгаллашига катта ҳисса қўшди. Бундан ташқари Азмун бу мавсумда ҳам анча ишончли ҳаракат қилмоқда. “Ростов” билан ЕЧЛда иштирок этди, “Бавария” ҳамда “Атлетико” каби топ клублар дарвозасини ишғол этди. Эрон терма жамоасининг ЖЧ-2018 сўнгги саралаш босқичида ўз гуруҳида етакчилик қилишига ҳам айни шу футболчининг ҳизматлари беқиёс бўлиб турибди.