Бакайоко ПСЖ билан келишувга эришди

Лондоннинг "Челси" клуби ярим ҳимоячиси Тьемуа Бакайоко ПСЖ билан шахсий келишувга эришди. Бу ҳақда Tribal Football нашри хабар тарқатмоқда.

Эслатиб ўтамиз, 24 ёшли франциялик футболчи ўтган мавсумни “Милан” сафида ижарада ўтказди. У ҳозирда “аристократлар” сафига қайтган ва улар билан янги мавсумга тайёргарлик кўрмоқда.

Маълумот учун, Бакайоко ўтган мавсум А Серияда жами 31та ўйинда майдонга тушди ва 1та гол ҳамда 1та голли узатма ёздириб қўйишга эришди. Transfermarkt талқинига кўра унинг нархи 35 млн еврога баҳоланмоқда.