Бакайоко яна

“Милан” клуби “Челси” ҳимоячиси Тьемуэ Бакайокони яна ортга қайтармоқчи. Бу ҳақда La Gazzetta dello Sport нашри хабар тарқатмоқда.

Юқоридаги манбага кўра, “россонерилар” аллақачон 25 ёшли француз билан келишувга эришиб бўлган. Агар Бакайоко “Милан”га ўтса, бонуслардан ташқари йилига 3 млн евро маош олиши мумкин. Гарчи бу маош “Челси”дагидан камроқ бўлсада, Тьемуэ мунтазам ўйин амалиётига эга бўлиш учун маоши камайишига ҳам рози.

“Аристократлар” ушбу футболчисини 20 млн еврога баҳоламоқда. Аммо А Серия клуби унга бунча пул тўлай олмайди. “Милан” Бакайокони 15 миллион еврога сотиб олиши ёки ижарага олиши мумкин.

Тьемуэ Бакайоко якунланган мавсумни “Монако” сафида ижарада ўтказди ва 20 та ўйинда майдонга тушиб, 1 та гол урди. У 2018/19 йилги мавсумда "Милан"да ижара асосида тўп сурган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар