Балотелли 3 та ўйинга дисквалификация қилинди
Ads

"Марсель" клуби ҳужумчиси Марио Балотелли 3та ўйинга дисквалификация қилинди. Бу ҳақда Football Italia нашри хабар бермоқда.

Эслатиб ўтамиз, италиялик форвард 24 май куни "Монпелье"га қарши бўлиб ўтган сўнгги тур баҳсида ҳакам томонидан тўғридан-тўғри қизил карточка билан “сийланган” ва майдондан четлатилган эди.

Энди агар у фаолиятини Франция чемпионатида давом эттирадиган бўлса, янги мавсумнинг 3та учрашувини ўтказиб юборади.

Эслатиб ўтамиз, Балотеллининг "Марсель" билан шартномаси келаси ой ўз ниҳоясига етади. Ҳозирча томонлар ушбу келишувни узайтиришганича йўқ.