Балотелли: Евро-2020 га боришни истайман. Ярим ой ичида, сўнгги 10 йилликдаги машғулотларимдан кўпроқ ишладим

"Брешия" клуби ҳужумчиси Марио Балотелли А Сериянинг 5-туридан ўрин олган "Ювентус"га қарши учрашувда дебют қилиш истаги борасида ва ўзининг спорт формаси ҳақида гапириб ўтди.

"Мен ярим ой ичида, сўнгги 10 йиликдаги машғулотларимдан кўпроқ ишладим. Мен ўйинларга тўлиқ тайёр бўлмаслигим мумкин. Чунки бор-йўғи 2 та ўртоқлик учрашувидагина ўйнадим ҳолос. Аммо мен юқори спорт формасидаман.

Ҳозирги ҳолатимдаги вазним сўнгги бор "Манчестер Сити"да бўлганимдаги кабидур.

Албатта, мақсадим Италия терма жамоаси билан Евро-2020 мусобақасида қатнашиш. Аммо, ҳозирда асосий эътиборим иложи борича тезроқ ўзимни кўрсатиш.

Криштиану Роналду дунёнинг энг кучли футболчиларидан бири ва кучлиларга қарши ўйнаш ёқимли бўлади. Мен гол уришга ҳаракат қиламан ва бошқа жамоаларда қандай ўйнаган бўлсам, шундай ҳаракат қиламан. Роналдуга қарши ўйнаш эни безовта қилмайди," - деди Балотелли.