Балотелли жароҳат олди

Италия B Серияси вакили ҳисобланган “Монца” клуби форварди Марио Балотелли бугун “Лечче”га қарши ўйинда жароҳат олди. Бу ҳақда DAZN хабар тарқатмоқда.

Италиялик ҳужумчи ўйиндан олдин ўтказиладиган чигалёзди машғулотларида мушакларидан жароҳат олган. Шу боис, унинг ўрнига асосий таркибда Кристиан Гюткьер майдонга тушди. Балотелли шу куни захира ўриндиғида ҳам кўринмади.

Марио Балотелли “Монца” сафига эркин агент сифатида келиб қўшилди ҳамда 30 декабрь куни “Салернитана”га (3:0) қарши ўйинда дебют қилди. У илк учрашувдаёқ ўз ҳисобига гол ёздириб қўйди.