Балотелли

Куни кеча "Брешия" клуби билан шартнома имзолаган ҳужумчи Марио Балотелли собиқ жамоадоши Венсан Компанининг хайрлашув учрашувида “Манчестер Сити”га қарши бўладиган баҳсда иштирок этади. Бу ҳақда “шаҳарликлар” расмий сайти хабар тарқатмоқда.

Юқоридаги манбаага кўра ушбу ўйинда шунингдек Серхио Агуэро, Давид Сильва, Жо Харт, Жолеон Лескотт, Мика Ричардс, Пабло Сабалета, Уэйн Бриж, Гарет Бэрри, Найжел де Йонг, Самир Насри, Шон Райт-Филлипс, Стивен Айрлэнд, Крейг Беллами ва "Манчестер Сити"нинг бошқа футболчилари ҳам иштирок этиши режалаштирилган.

Премьер-лига юлдузларидан иборат терма жамоага Роберто Мартинес устозлик қилади.

Ушбу ўйин 11 сентябрь куни ўтказилади. Учрашувдан тушган маблағлар Манчестер шаҳридаги уйсиз инсонларни қўллаб-қувватлашга йўналтирилади.

Эслатиб ўтамиз, Компани “Манчестер Сити” сафида 2008-2019 йилларда тўп сурди. У айни дамда “Андерлехт” клубида ўйновчи мураббий сифатида фаолият олиб бормоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)