Балотелли "Марсел"га шарт қўймоқда

“Марсель” форварди Марио Балотелли клуб раҳбариятига жамоадан кетиш вариантларини кўриб чиқаётганини маълум қилган.

L’Equipe нашри тарқатган хабарга кўра италиялик футболчи жамоа раҳбариятига 2та шарт қўйган. Унинг сўзларига кўра агар “Марсель” мавсум якунларига кўра Чемпионлар лигаси йўлланмасини қўлга киритмаса, у бошқа клубга ўтиб кетади.

Балотеллининг иккинчи шарти бу маош масаласида билдирилган. У маошининг оширилишини талаб қилмоқда. Бироқ, унинг бу талаби “Марсел” раҳбарияти томонидан дарҳол рад этилди. Таъкидлаш керакки, унинг айни дамдаги йиллик маоши 4 млн еврони ташкил этади.

Маълумот учун, Балотелли “Марсель” сафига жорий йилнинг январида эркин агент сифатида келиб қўшилган эди. У ўтган давр мобайнида 9та ўйинда майдонга тушди ва 7та гол уришга эришди. Унинг клуб билан амалдаги шартномаси мавсум якунлангач ўз ниҳоясига етади.