Балотелли
Ads

Франциянинг “Ницца” клуби ҳужумчиси Марио Балотелли жорий ҳафта УЕФА Европа лигаси 1/16 финал босқичи дастлабки баҳсида Москванинг “Локомотив” (2:3) жамоаси билан бўлган учрашувда ўз номига дубль ёздириб қўйишга эришди.

Клуб расмий сайтининг хабар беришича 27 ёшли италиялик футболчининг ушбу жамоада киритган голлари сони 38тага етди ва у шу тариқа “Ницца”нинг XXI-асрдаги энг яхши тўпурарига айланиб олди. Бу кўрсатгич борасида Балотеллидан кейинги ўринларни  Дарио Цвитанич (36), Алассан Плеа (34), Лоик Реми (30) ва Бакари Коне (29) каби футболчилар жой олишган.

Маълумот учун, Балотелли жорий мавсум Франция чемпионатида жами 18та учрашувда иштирок этган ва ўз ҳисобига 13та гол ёздириб қўйишга эришган.