Barkola: "To'pni olamiz va xohlaganimizni qilamiz"

Frantsiya terma jamoasi hujumchisi Bredli Barkola milliy jamoaning hujum chizig‘i haqida fikr bildirdi.

"Bunday futbolchilar bilan o‘ynash juda katta baxt. Biz birgalikda hujum qilamiz, himoyalanamiz va o‘yindan zavq olamiz. Har birimizning o‘z kuchli tomonimiz bor. Men esa bo‘sh hududlarni topishga harakat qilaman.

Biz birga o‘ynashni yaxshi ko‘ramiz. Shuning uchun ham mahallamizdagi kabi erkin harakat qilamiz: to‘pni olamiz va xohlaganimizni qilamiz. Shu sabab hammasi ishlayapti", — dedi Barkola.

Ma’lumot uchun, "uchranglilar" hujumchilari "JCH-2026"da to‘rt uchrashuvda 13 ta gol urdi.