“Барса” ёш футболчидан олти миллион евро талаб қиляпти

“Барселона” асосий таркибига кира олмаётган клуб тарбияланувчиси Дро Фернандес қишки трансфер ойнаси даврида клубни тарк этишга қарор қилди.

18 ёшли футболчи 2027 йилнинг ёзигача давом этадиган шартномани бир томонла бекор қилиб, эркин агент мақомини олмоқчи.

Sport.es сайтининг ёзишича,  Фернандес клубдан кетиши учун “Барселона”га 6 миллион евро миқдорида компенсация тўлаши лозим.

Ҳужумкор футболчи асосий таркибга кириши учун ўзи ўйнайдиган позициясида кучли рақобатга дуч келган. Ёш ўйинчига айни кучга тўлган юлдузлар Фермин Лопес ва Дани Ольмо билан рақобатлашиш оғирлик қилмлоқда. Шу сабабли у кетишга қарор қилган.

Клуб спорт директори Деку Дро Фернандес билан шартномани узайтиришни режалаштирган эди, аммо футболчи кетишни танлади.

Жорий мавсумда Фернандес бешта ўйинда 148 дақиқа ҳаракат қилди. Transfermarkt маълумотига кўра, унинг бозор қиймати €10 млн. Унга Англия ва Германия клублари қизиқиш билдирмоқда.