"Барса" Альваресдан воз кечиб, 19 ёшли ҳужумчи танлади

"Барселона" раҳбарияти Мадриднинг «"Атлетико" клуби ҳужумчиси Хулиан Альварес ўрнига Англиянинг "Борнмут" жамоасида тўп сураётган 19 ёшли форвард Эли Крупини олиш вариантни кўриб чиқмоқда, деб хабар бермоқда Sport.es нашри.

Манба маълумотига кўра, каталонияликларнинг спорт бўлими ёш ҳужумчининг ўйинидан жиддий таассурот олган. Бироқ асосий тўсиқ — унинг трансфер нархи. 

"Борнмут" клуби барча даъвогарларга аниқ шарт қўйган: 100 миллион евродан паст таклифлар умуман кўриб чиқилмайди. Крупига фақат "Барселона" эмас, ққитъанинг бошқа етакчи жамоалар ҳам қизиқиш билдирмоқда. Хусусан, унинг ўйинларини ПСЖ ва Лондоннинг "Арсенал" клуби кузатмоқда. 

Якунланган мавсумда Крупи "Борнмут" таркибида 35 ўйинда майдонга тушиб, 13 та гол урди. Transfermarkt портали баҳосига кўра, ҳужумчининг бозор қиймати 70 миллион евро атрофида. Унинг клуб билан амалдаги шартномаси 2030 йил ёзигача мўлжалланган.