"Барса" "Арсенал" ҳужумчисини кўзлаб қўйди

"Барселона" Габриель Мартинеллини сотиб олишни режалаштирмоқда 
 
Флик бошчилигидаги "кўк-анорранглилар" "канонирлар" ҳужумчиси Мартинеллини трансфер қилиш вариантини кўриб чиқмоқда. Каталонияликлар бразилиялик футболчи учун 45 миллион евро тўлашга тайёр ва келишувга ўз футболчиларидан бирини қўшиши мумкин. 
 
"Fichajes" нашрининг хабарига кўра, "Барселона" раҳбарияти 23 ёшли футболчини жамоа ҳужум чизиғини кучайтириш учун идеал вариант сифатида кўрмоқда. 
 
Шунингдек, испанияликлар молиявий қийинчиликларга қарамай, ёзги трансферлар ойнасида таркибни кучайтириш устида ишламоқда. Клубнинг Габриель учун таклиф қиладиган футболчиси ҳозирча ошкор қилинмаган, бироқ каталонияликлар бу орқали лондонликлар билан келишувга эришмоқчи. 
 
Манбага кўра, "тўпчилар" эса Мартинеллини асосий таркиб футболчиси сифатида кўради ва уни қўйиб юборишга шошилмайди. 
 
Маълумот ўрнида, бразилиялик қанот ҳужумчиси жорий мавсум 35 та беллашувда майдонга тушиб, 7 та гол ва 4 та голли узатмага муаллифлик қилган.