“Барса” бир футболчи учун Манчестердан “даҳшатли” таклиф олди

“Барселона”нинг Испания чемпионлигини қўлга киритиши билан якунланган мавсум қаҳрамонларидан бири Рафинья бўлди. Ўтган ёзда каталонияликлар бразилиялик ҳужумкор футболчидан тезроқ қутилишга ҳаракат қилганди.

Буни қарангки, мавсумнинг мураккаб паллаларида айнан Рафинья муҳим голлари ва ассистлари билан жамоага катта фойда келтирди. У жами 57 та учрашувда майдонга тушиб,  рақиблар дарозасини 34 мата ишғол қилди ва жамоадошларига 25 та голли пас берди.

“Манчестер Юнайтед” сермаҳсул футболчи учун “Барселона”га 150 миллион евро таклиф қилгани ҳақида маълумот чиқарилди.  Fichajes нашрининг ёзишича, бу кутилмаган таклиф ва катта  сумма каталонияликларнинг ўзини ҳам довдиратиб қўйган.

Ҳозирча, 28 ёшли Рафиньянинг бу таклифга муносабати қандай экани маълум қилингани йўқ. Уни Саудия Арабистонининг қудратли клублари ҳам ўзига чорлаяпти.