“Барса” бир футболчини тўрт клуб билан талашяпти

“Арсенал”нинг 31 ёшли таянч ярим ҳимоячиси Томас Парти келаси ёзда жамоасини ўзгартириши кутилмоқда.

Тажрибали ўйинчи мавсум охирида эркин агентга айланади. “Канонирлар” тўрт йилдан бери жамоа шарафини ҳимоя қилиб келаётган ўйинчига янги битим бермоқчи эмас.

Caught Offside нашрининг ёзишича, Партига асосий даъвогар сифатида “Барселона” эътироф этилмоқда. Бироқ каталонияликлар тўртта клуб билан рақобат олиб боришига тўғри келади

 Чунки ганалик футболчини 2020 йили “Арсенал”га трансфер қилган “Атлетико” собиқ ўйинчисини яна жамоага қайтармоқчи.

Бундан ташқари Томас Партига “Ювентус” ҳамда Саудия Арабистонининг икки гранди  “Ал-Ғилол” ва “Ал-Аҳли” ҳам даъвогарлик қиляпти.