“Барса”: Бу катта харажатга арзийдиган ўйинчи эмас

“Барселона” президенти Жоан Лапорта Мадриднинг “Атлетико” клуби ҳужумчиси Хулиан Альваресга бўлган қизиқиш ҳақида фикр билдирди.

- Хулиан Альварес  жуда яхши футболчи ва айтишларича, у “Барселона” тизимига ва ўйин услубига жуда мос тушади.

Бироқ у учун улкан маблағ сарфлашга арзийдиган футболчи эмас. Аввало у бизнинг жамоага ўтишга тайёр эканини кўрсатиши керак.

Шунингдек, трансфер нархи ҳам мақбул бўлиши лозим, - деди Лапорта.

Жорий мавсумда Альварес барча мусобақаларда 40 та ўйинда иштирок этиб, 14 та гол урган ва олтита голли узатмани амалга оширган.

Футболчининг клуб билан амалдаги шартномаси 2030 йилнинг ёзигача мўлжалланган. Transfermarkt маълумотига кўра, унинг бозор қиймати 100 миллион еврони ташкил қилади.