Голдан кейин Файзуллаевга мурожаат бўлди
2026 йилги жаҳон чемпионатида иштирок этаётган Ўзбекистон миллий терма жамоаси ҳужумкор футболчиси Аббосбек Файзуллаев биринчи турнинг қаҳрамонларидан бири бўлди.
Колумбия билан бўлган ўйинда рақиб дарвозасини ишғол қилган 22 ёшли ўйинчи иккита тарихий натижа қайд этди. Биринчидан, Аббосбек Файзуллаев мундиалда тўп киритган биринчи ўзбек футболчиси сифатида номини тарихга муҳрлади.
Иккинчидан, Аббос XXI асрда жаҳон чемпионатлари тарихида боши билан дарвозани ишғол қилган энг бўйи паст (167 сантиметр) гол муаллифи сифатида рекорд ўрнатди.
Россиянинг ЦСКА клуби ҳимоячиси Матвей Лукин жаҳон чемпионатида Ўзбекистон терма жамоаси тарихий голига муаллиф бўлган собиқ жамоадоши Аббосбек Файзуллаев билан мулоқоти ҳақида гапириб берди.
- Албатта, Аббосбегимизни қўллаб-қувватлаяпмиз, унинг гол урганидан жуда хурсандман. Бу — Ўзбекистон терма жамоасининг жаҳон чемпионатларидаги илк голи. Ўйиндан кейин у билан ёзишдик, у жуда мамнун, хурсанд ҳолда ўтирган видеосини юборди.
Унга ҳали олдинда муҳим ўйинлар турганини, ҳушёрликни йўқотмаслик кераклигини айтдим. Акс ҳолда ўзингдан кетиб қоласан, деб ҳазиллашдим.
Аслида Файзуллаев жуда меҳнаткаш, яхши йигит, у бунақа нарсалардан анча узоқ юради, — деди Матвей Лукин.
Бундан аввал ЦСКА дарвозабони ва сардори Игорь Акинфеев ҳам Файзуллаевнинг жаҳон чемпионатидаги голи ҳақида кулги билан фикр билдирган, уни футболчининг фаолиятидаги "энг қийин гол", деб атаган эди.
- Ҳа, осон бўлмаган. Унинг бўйи “1 метр 12 сантиметр”-ку, шунинг учун у тўпга сакраб етиши анча қийин бўлди (кулгуси билан). Уни табриклаймиз, — дея Матвей Лукиннинг сўзларини ТАСС агентлиги келтирди.
Энди Ўзбекистон миллий терма жамоаси жаҳон чемпионатидаги иккинчи учрашувини Криштиану Роналду етакчилигидаги Португалия терма жамоасига қарши ўтказади. АҚШнинг Хьюстон шаҳри бош аренаси мезбонлик қиладиган бу баҳс 23 июнь куни Тошкент вақти билан 22:00 да бошланади.
Португалия юлдузи Ўзбекистон билан бўладиган тўқнашув ҳақида қаттиқ гапирди
Ана тезлик! Ҳусанов Мбаппедан анча ўзиб кетди!
Шомуродов бизга гол урган! Яна бир суперклуб Элдор учун курашга қўшилди
Эксперт: Ҳусанов ҳозир Роналдудан кучли!
Файзуллаев бир гол билан колумбиялик қизлар ёқимтойига айланди
Ўзбекистоннинг мағлубиятдан кейинги иши мексикаликларни ҳайратга солди
Фикрлар