Машҳур футболчи: Ўзбекистон Португалиянинг асабини ўйнайди
«Пахтакор» клубида тарбияланган ва кейинчалик Москванинг «Спартак» жамоасида катта ютуқларни қўлга киритган собиқ футболчиси Валерий Кечинов ҳам 2026 йилги жаҳон чемпионатида ўзбекларга мухлислик қилмоқда.
Машҳур футболчи ҳам журналистларга берган интеврьюси давомида Ўзбекистон миллий терма жамоасининг 2026 йилги жаҳон чемпионатидаги имкониятлари ҳақида ўз фикр-мулоҳазаларини билдириб ўтди.
— Ўзбекистон терма жамоасининг жаҳон чемпионатига чиққани сизда қандай туйғулар уйғотди?
— Бу ерда икки хил фикр бўлиши мумкин эмас — бу Ўзбекистон учун улкан ютуқ. Бу натижа учун жамоага, мураббийлар штабига ва бутун футбол тизимига алоҳида баҳо берса бўлади, уларнинг ҳар бирини эътироф этса арзийди.
— Ҳозирги Ўзбекистон терма жамоасида яққол ажралиб турадиган етакчилар борми?
— Бу жамоани бир-икки футболчи орқали баҳолаб бўлмайди, Ўзбекистоннинг кучи аввало жамоавий ўйинида. Албатта, Элдор Шомуродов, Аббосбек Файзуллаев, Абдуқодир Ҳусанов каби яққол етакчи футболчилар бор, лекин улардан ташқари ҳам майдонда ўз сўзини айта оладиган иқтидорли йигитлар етарли.
— Португалия ва Конго учун ўзбеклар билан ўйинлар осон ўтиб кетмайдими?
— Ҳеч кимга осон бўлмайди, бу жамоалар ичида Португалия ҳам истисно эмас. Ўзбекистон камида португалияликларнинг асабини анча синаб кўради, деб ўйлайман.
Эслатиб ўтамиз, 2026 йилги жаҳон чемпионати 11 июндан 19 июлга қадар Шимолий Америкада, бирданига уч мамлакат - АҚШ, Канада ва Мексикада ўтказиляпти.
Ўзбекистон миллий терма жамоаси биринчи учрашувда Колумбиядан 1:3 ҳисобида мағлубиятга учратди. Фабио Каннаваро шогирдлари 23 июнь куни Тошкент вақти билан соат 22:00 да Португалия терма жамоасига қарши саф тортади.
Гуруҳдаги охирги турда ўзбекистонлик чарм тўп усталари жисмонан бақувват футболчилардан таркиб топган Конго Демократик Республикаси вакиллари билан куч синашади. Бу учрашув 28 июнга белгиланган.
Фикрлар