“Барса” де Йонгни кетишини истаганмиди? Лапорта жавоб берди

Френки де Йонг ёзда “Барселона”ни тарк этиши мумкин эди. Футболчи учун курашда “Манчестер Юнайтед” ва “Челси” етакчилик қилди. Аммо нидерландиялик Испанияда қолишни хоҳлади.

Миш-мишларга кўра, Каталония клуби ярим ҳимоячини кетишга ундаган. Лапорта эса бундай хабарларни инкор қилди.

“Мен ҳеч қачон де Йонгни сотишни хоҳламаганман. У “Барса”ни асосий футболчиларидан бири”, - деди Лапорта.

“Қишдаги трансферлар? Биз ёзда футболчиларни сотиб олиб бўлдик. Ҳозир бизга янги трансферларни амалга ошириш керак эмас”, - дея қўшимча қилди “Барселона” президенти.