“Барса” футболчилари Фликнинг қарорини ўзгартирмоқчи

“Барселона” футболчилари жамоа бош мураббийи Ханс-Дитер Фликнинг 2027 йилнинг ёзида тугайдиган шартномасини узайтиришини истамоқда. Бунинг учун улар 60 ёшли мутахассисни янги шартнома имзолашга кўндиришга тайёр.

Бу ҳақда The Touchline Х ижтимоий тармоғида хабар берди.

Манба маълумотларига кўра, каталониялик футболчилар Фликни “орзу қилиш мумкин бўлган энг яхши мураббий”, деб ҳисоблайди ва германиялик мутахассис қўл остида кўпроқ вақт ўйнашни истайди.

Немис мутахассиси “Барселона”ни 2024 йилнинг ёзида қабул қилган эди. Унинг  бошқарувида жамоа Испания чемпиони бўлди, мамлакат кубогини ва икки марта Суперкубокни қўлга киритди.

Ла Лиганинг жорий мавсумида ҳам “Барселона” чемпионликка асосий даъвогар ҳисобланади.