“Барса” футболчиси дўстини танлайдими ёки устозини?

“Барселона” воз кечган футболчилардан бири Артуро Видалнинг бозория ҳам анча қизғин бўлмоқда. Чилилик ярим ҳимоячига асосан Италия грандлари таклиф билдирмоқда.

Яқинда Видаль билан бирга ўйнаган Пирло уни “Ювентус”га чорлаган эди. Энди Видалга Турин клубида устозлик қилган Антонио Конте футболчисини “Интер”га олиб келмоқчи.

Айни пайтда томонлар музокараларни бошлаган. Артуро Видаль дўстининг таклифини қабул қиладими ёки устозининг чақириғига қулоқ тутадими, буни вақт кўрсатади. Италия клубларига 33 ёшли ўйинчини олиш ортиқча қийинчилик туғдирмайди. “Барселона” Видални 11 миллион еврога қўйиб юборишга тайёр.