"Барса" футболчиси номақбул иши учун узр сўради

Испания Ла Лигаси 24-тури доирасида "Барселона" ва "Эспаньол" 2:2 ҳисобидаги жанговар дурангга имзо чекди.

Ўйиндан сўнг "кўк-анорранглилар" ҳимоячиси Рональд Араухо рақиб жамоадан узр сўради. Бунга сабаб, у "Эспаньол" шаънига ҳурматсиз ҳаракат қилган. Уругвайлик футболчи клубнинг Сегундага тушиб кетишига ишора қилганини тан олди.

"Қилган ёмон ишим учун "Эспаньол"дан кечирим сўрайман. Бу дербида юзага келган кескинлик натижасида содир бўлди. Мен рақибни ҳурмат қиламан ва бўлиб ўтган воқеадан афсусдаман",- дея ўз фикрларини билдириб ўтди 22 ёшли ҳимоячи.

Маълумот учун, 4 та гол урилган ўйинда ҳакам 3 нафар футболчини майдондан четлатди.