“Барса” футболчисига олти лиганинг ўн битта жамоасидан чорлов бор

“Барселон” вингери Руни Барджининг ёзги трансфер ойнаси давомида каталонияликлар сафини тарк этиши эҳтимоли ошиб бормоқда.

Энтони Гордон ва Карим Адейеми трансферларидан кейин бош мураббий Ханс-Дитер Флик швециялик футболчига таянмоқчи эмас ва клуб унинг кетиши бўйича вариантлар устида иш олиб бормоқда.

Бу ҳақда Mundo Deportivo нашри хабар берди.

20 ёшли футболчига Германия, Нидерландия, Франция,  Португалия, Англия ва Италия клубларидан жиддий қизиқиш бўляпти.

Рунига даъвогарлар қаторида “Астон Вилла”, “Сандерленд”, “Эвертон”, “Фулхэм”, “Брайтон”, “Лидс Юнайтед”, “Аякс”, “Марсель”, “Порту”, “Ювентус” ва  “Боруссия Дортмунд” клублари тилга олинмоқда.

Манбанинг маълум қилишича, Барджининг ўзи ижара вариантини афзал кўрмоқда ва “Барселона”ни бутунлай тарк этишни истамайди.

Клуб эса битимни 27 июль куни Англияда бошланадиган мавсумолди йиғинига қадар якунлашни режалаштирмоқда. Бир йил аввал каталонияликлар швециялик футболчи учун 2,5 миллион евро тўлаган эди.