“Barsa” hech kim tanimaydigan, 34 ta o‘yinda 80 ta gol o‘tkazgan darvozabon topdi

“Barselona” yaqin kelajakda asosiy darvozaboni Mark-Andre ter Shtegen o‘rnini bosa oladigan posbon qidirayotgan edi.

Kataloniyaliklar nishoniga “Verder” tarbiyalanuvchisi Mio Bakxaus tushdi. Bu haqda taniqli insayder Ekrem Konur xabar berdi.

Qizig‘i shundaki, Bakxaus “Verder” safida birorta uchrashuvda ishtirok etmagan. Klub uni Niderlandiyaning “Volendam” jamoasiga ijaraga yuborgan.

Mio “Volendam” safida 34 ta uchrashuvda ishtirok etib, jami 80 ta gol o‘tkazib yubordi va atigi uchta uchrashuvda o‘z darvozasi daxlsizligini saqlay oldi xolos.

Transferamarkt portali iste’dodli yosh darvozabonni 2 million evroga baholamoqda.