“Барса” ҳимоядаги муаммосига ечим топди

“Барселона” анчадан бери чап қанот ҳимоясида Альбага муносиб ворис қидириб келмоқда. Катта умидлар билан Каталонияга олиб келинган Хуниор Фирпо ишончни оқлай олмаяпти. Навбатдаги вариант эса Хосе Луис Гайя. “Кўршапалаклар” ҳимоячиси учун “кўк-анорранглилар” 50 млн евродан воз кечишга тайёр.

Пандемия туфайли молиявий инқирозга дуч келган “Валенсия” жамоаси яқиндагина Ферран Торресни “Манчестер Сити”га сотишга мажбур бўлган эди. Энди улар Гайя трансфери орқали янада каттароқ фойда кўришлари мумкин. Айтиш мумкинки, ҳозирги пайтда бу трансфер иккала томон учун ҳам бирдек манфаатли.

Эслатиб ўтамиз, испаниялик ҳимоячининг амалдаги шартномаси 2023 йил 30 июнгача амал қилади.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)