“Барса” ички бозордан энг хотиржам ўйинчини топди

“Барселона” скаутлари ўнг қанот ҳимоячими қидираётган спорт директори Декуга “Райо Вальекано” футболчиси Андрей Ратиуни трансфер қилишни тавсия этмоқда.

Fichajes нашрининг маълум қилигича, 27 ёшли руминиялик ҳимоячи  ўз меҳнатсеварлиги, интуицияси ва тўпни назорат қилишдаги хотиржамлиги билан ҳаммани ҳайратга солмоқда. Бу устунликларидан ташқари, Ла Лигага мослашганлиги ҳам “Барселона”га маъқул келмоқда.

Қолаверса, Андрей Ратиуни 25 миллион еврогача бўлган маблағ эвазига трансфер қилиш мумкин. Бу каталонияликлар учун мақбул нарх ҳисобланади. “Барселона” мутасаддилари Ратиу каталонияликларнинг шонли тарихи, клубнинг мавқеи ва машҳурлиги туфайли жамоага кўчиб ўтишга кўнишига ишоняпти.

Андрей Ратиу “Вильярреал” тарбияланувчиси ҳисобланади. Фаолияти давомида Нидерландиянинг “Ден Хааг” ва Испаниянинг “Уэска” каби жамоаларида ҳам ўйнаган.

“Райо Вальекано” ўнг қанот ҳимоячисини 2023 йили 500 минг еврога трансфер қилган эди. Энди бу клуб ўз ўйинчисини бир неча баравар қимматига сотиш имкониятига эга.