“Барса” Коутиньони зўр тўпурарга алмашади

“Барселона” клубни тарк этган Лионель Месси ўрнига тўпурар ҳужумчи қидирмоқда. Шунинг баробарида Рональд Куман ўзига керак бўлмаган ва катта маош олаётган футболчилардан ҳам қутилиш йўлини қидирмоқда.

Бразилиялик плеймейкер Филиппе Коутиньо каталонияликларнинг энг муваффақиятсиз трансферларидан ҳисобланади. Клуб бир неча мавсумдан бери катта маош олаётган ўйинчидан қутила олмаяпти.

Ҳозир каталонияликлар олдида янги вариант пайдо бўлди. “Барселона” мутасаддилари Филиппе Коутиньони “Арсенал”га таклиф қилмоқда. Лондонликлар бразилиялик юлдуз эвазига ўзларига керак бўлмай қолган Пьер-Эмерик Обамеянгни Каталонияга жўнатиши лозим.

Бундан ташқари, “канонирлар” яна бир машҳур ҳужумчи Александр Ляказеттни ҳам трансферга қўймоқчи. Улар ҳар икки ҳужумчининг самарадорлиги пастлигидан норози бўлмоқда.