“Барса” Куманни ҳайдайдиган бўлди. Ўрнини ким эгаллайди?

Манбаларнинг хабар беришича, “Барселона” раҳбарияти мавсум якунланиши билан Рональд Куманни бош мураббий лавозимидан бўшатиш бўйича бир қарорга келган.  

Каталонияликлар жорий мавсумда УЕФА Чемпионлар лигаси ва Испания чемпионатида бош совринни қўлга кирита олмади. Натижага жавобгар сифатида Куман истеъфога чиқиши керак.

Шунга қарамай, Рональд Куманда ўз ишини сақлаб қолиши мумкин бўлган биргина имконият бор. Яъни, клуб раҳбарлари бош мураббийликка  муносиб номзод топа олмаса, нидерландиялик мутахассис жамоани бошқаришда давом этади.

Айни пайтда каталонияликлар уч нафар мураббий билан музокара олиб боришни режалаштирмоқда. “Барса” хўжайинлари рўйхатидан иккинчи жамоа бош мураббийи Хави Гарсия Пимьен, “Ас-Садд” устози Ҳави ва “Аякс”ни чемпион қилган Эрик тен Хаг номи жой олган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар