“Барса” мадридликларга керак бўлмай қолган ўйинчини олади

“Барселона” ҳозирги молиявий аҳволидан келиб чиқиб, трансфер бозорида асосий эътиборини эркин агент мақомидаги ўйинчиларни олишга қаратиши одат тусига айланиб бормоқда.

Маълумотларга қараганда, каталонияликлар ёзда ҳимоя чизиғини мозамбиклик Рейнильдо Мандава ёрдамида кучайтирмоқчи. 30 ёшли футболчи Мадриднинг “Атлетико” клуби ўйинчиси ҳисобланади.

Рейнильдо чап қанот ҳимоячиси ҳисобланади. Зарур ҳолларда чап қанот ярим ҳимоячиси ва марказий ҳимоячи вазифаларини ҳам бажара олади. Шунга қарамай, у мадридликларнинг асосий таркибига кириши қийинлашиб қолди.

“Барселона” ёзда мадридликлар билан шартномаси якунланадиган ўйинчини ўз сафига чорлаяпти.

Мандава Испания чемпионатига келгунига қадар бир неча йиллар давомида Португалия ва Франция чемпионатларида тўп тепган.