“Барса” мақсади учун бир футболчини “қурбон” қилади

“Барселона” ярим ҳимоячиси Марк Касадо “Ал-Ҳилол” қанот ҳимоячиси Жоау Канселуни Каталония клубига тўлиқ трансфер қилиш жараёнида муҳим фигурага айланиши мумкин.

Саудия  Арабистони клуби 22 ёшли футболчига январь ойидан бери қизиқиш билдирмоқда. Бу ҳақда Mundo Deportivo хабар берди.

Манбага кўра, каталонияликлар қишда “Ал-Ҳилол”дан ижарага олинган Канселу агар ҳозирги ўйин даражасини сақлаб қолса, мавсум охирида уни доимий асосда сотиб олишга тайёр.  Португалиялик футболчи ҳам жамоада қолишни истамоқда.

“Барселона” шайхлар назарига тушган Касадони 20 миллион еврога баҳоламоқда. “Ал-Ҳилол” эса, Канселу учун 15 миллион олишни мўлжаллаяпти. Каталонияликлар ўйинчилар рокировкасини амалга оширишни эҳтимолий вараинт сифатида кўриб чиқмоқда.

Жорий мавсумда Касадо барча мусобақаларда 29 та ўйинда иштирок этиб, бирта голли узатма берди. Канселу эса Каталонияга келганидан бери “Барселона” сафида 12 та ўйинда майдонга тушиб, бир гол ва тўрт ассист қайд этган.